Trajneri i Kukësit, Ernest Gjoka, foli pas fitores me Tiranën, ku deklaroi:
Bëtë mirë sot, i latë pak raste Tiranës. Çfarë vlerësoni?
Bëmë detyrat që kishim lënë. Dhe një nga kryesoret, ishte të mbyllnim sulmin e Tiranës. I lamë pak mundësi, dhe shfrytëzuam rastet tona. Tani, duhet të sigurojmë vendin e dytë, gjërat e tjera nuk kanë më interes për ne.
Krahët janë dobësia e Tiranës dhe aty e goditët. Sa ka vrapuar Rexhinaldo sot?
E kërkuam lojën në krah, kërkuam thellësi dhe shpejtësi. Rexhinaldo vrapon pafund, kërkon shumë, dhe bëri mirë edhe kur ndërruam sistemin e skuadrës.
Futët shumë lojtarë sulmues. Musollin e latë jashtë për gjendjen fizike, apo zgjodhët Rrocën dhe Limajn në mesfushë?
Musolli nuk është gati 100%. Me Flamurtarin sakrifikoi për mungesë lojtarët, por ne do i japim minutazhin gradualisht.
Çfarë pati me Rrocën dhe Melon në fund të pjesës së parë? E mendon se është hapur gara për titull?
Tensione momenti, u sqaruam moment të dhomat e zhveshjeve. Ishte një moment kur u mor faulli, jo unë jo ti. I kërkova në pushim që të mos e zgjasim më, sepse këtë na e merr për dobësi kundërshtari. Ne do shohim ndeshjet tona, më pas nëse kundërshtari na jep dhurata, pse jo.
