Sulmuesi shqiptar që përfaqëson Kosovën, Vedat Muriqi, vazhdon të tregojë një formë të jashtëzakonshme në Turqi, ku aktivizohet me Rizesporin.
Teksa ka ngjallur interesin e ekipeve të mëdha në Superligën turke, Muriqi shënoi ditën e sotme, golin e 12-të personal këtë sezon, dhe ndaj një emri të madh si Beshiktashi.
Miqtë kryesonin me shifrat 0-2 pas 14 minutave lojë, por në minutën e 42-të, ishte Vedat Muriqi që mori një top në zonë dhe u gjend i vetëm përballë portierit, Loris Karius, të cilin nuk e kishte shumë problem ta kalonte.
