Me dy golat e tij në gjysmëfinalen e FA Cup, ndaj Wolves, Gerard Deulofeu është bërë heroi i Ëatford, por sidomos tani ka shansin e artë që të kërkojë revanshin e madh, kundër një trajneri me të cilin është rritur: Pep Guardiola.
Në një intervistë të dhënë për “Cadena Ser”, foli për këtë përballje me Manchester Cityn dhe sidomos “profesorin” e tij, Pep: “Jam i lumtur, do të na duhet të vuajmë, do të jetë finale e vështirë, por ata do të mbërrijnë të lodhur, sepse po luftojnë si në Champions, ashtu edhe Premier League”.
Më pas, spanjolli flet edhe për raportin me Guardiolan, kur ishte te Barcelona: “Kur fola dikur për agresivitetin e tij, i referohesha intensitetin në stërvitje, e jeton ndryshe nga të tjerët. Ajo që përjetova me Guardiolan ishte e tmerrshme, por ishte për mua një trajner i veçantë. E pata pak, aq sa më shpjegoi ato katër gjëra. Të kthehesha të luaja për të? Do të ishte e mrekullueshme, por vështirë të ndodhë”.
