Një humbje si ajo e PSG kundër Lille (5-1), patjetër që lë pas polemika dhe transmeton energji negative. I pyetur për lojën e ekipit të tij, Kylian Mbappé nuk tregoi “mëshirë” ndaj paraqitjes së dobët dhe imazhit të keq. Golashënuesi më i mirë i Ligue 1 e shprehu zemërimin e tij në mikrofonin e “Canal Plus”: “Ndeshja shkoi si mos më keq. Eshtë e vërtetë që edhe ne mund të humbasim, por jo në këtë mënyrë“.
Mes zemërimit dhe një ndjenje frustrimi, Kylian shtoi: “Ky është një nga gabimet e mëdha që kemi bërë dhe duhet ta korrigjojmë shpejt. Kemi luajtur si debutues, por duhet të përqendrohemi në këtë gjë, sepse kemi edhe disa ndeshje përpara“.
