Real Madrid është për të ardhur keq. Skuadra e Zinedine Zidane nuk po e respekton kampionatin me paraqitjet e tmerrshme nga java në javë.
Këtë herë, Los Blancos janë mposhtur nga Rayo Vallecano i vendit të parafundit me rezultatin 1-0.
Dëmtimi i Benzema ka detyruar Zidane të luajë me Bale dhe Mariano-n në sulm, ndërsa as Isco dhe as Asensio nuk ishin pjesë e formacionit.
Goli i vetëm i takimit është shënuar nga Embarba nga pika e bardhë e penalltisë në minutën 23’ të takimit.
Real Madrid ka pësuar shtatë penallti këtë sezon në La Liga, më shumë se në çdo sezon tjetër që prej 2005/06.
Miqtë kishin shumë minuta në dispozicion për të barazuar apo për të përmbysur, por nuk ka ndodhur asgjë.
Një tjetër ndeshje e dobët e kryeqytetasve që kanë disa javë që po presin me padurim të përfundojë ky sezon makthi.
