Gareth Bale nuk u rikthye në Valdebebas me bashkëlojtarët e tij të Real Madridit, pas humbjes 1-0 kundër Rayo Vallecanos të dielën mbrëma.
Trajneri i Real Madridit, Zinedine Zidane, u kishte dhënë lojtarëve dy ditë e gjysmë pushim dhe Bale kishte kërkuar leje të shkonte nga Vallecas drejt e në aeroportin Barajas në Madrid, ku po e priste aeroplani i tij privat.
Uellsiani, i cili bëri një paraqitje shumë të dobët ndaj Rayos, priti pranë autobusit të skuadrës ku mori një makinë private dhe e çoi drejt e në aeroport.Bale ishte lojtari i vetëm që nuk u fut në autobus të ekipit me bashkëlojtarët e tjerë.
Kjo është një shenjë tjetër se uellsiani është më larg Los Blancos.
“Nuk e di nëse Bale është i përqendruar”, tha Zidane pas humbjes ndaj Rayos.
Po bëhet e qartë se trajneri francez nuk e do Balen për sezonin e ardhshëm.
