Skënderbeu ka mposhtur me rezultatin 4-0 Kastriotin në sfidën e vlefshme për javën e 29-të të Kategorisë Superiore, duke iu rikthyer kështu rezultateve pozitive pas humbjeve në transfertë ndaj Luftëtarit dhe Partizanit.
Ishte Gjergji Muzaka ai që kaloi në avantazh korçarët në minutën e 14-të, ndërkohë që në pjesën e dytë skuadra e Orges Shehit arriti të realizonte edhe 3 herë të tjera me anë të Oto Xhon dhe Blerim Krasniqit që realizoi dopietë në sfidën e sotme.
Me këtë triumf Skënderbeu ngjitet në kuotën e 43 pikëve, duke u pozicionuar në vendin e 4-t. Ndërkohë për krutanët kjo humbje e ndërlikon shumë objektivin e mbijetesës.