Aplikimi i teknologjisë në futboll, referuar arbitrimit, kërkon edhe specializimin e skuadrës së “xhaketave të zeza”. MMësohet se siç vendi ynë po përgatitet për të aplikuar teknologjinë në arbitrim, ashtu do të bëhen gati edhe “xhaketat e zeza” për të marrë leksionet e duhura.
Gjyqtari i përzgjedhur është Enea Jorgji. Ky i fundit do të nisë të marrë pjesë në seminare të posaçme që UEFA i organizon me gjyqtarët për të treguar praktikat e funksionimit të VAR-it dhe për të marrë leksionet e nevojshme.
Arbitri kryesor me stemën e FIFA-s pritet të jetë përfaqësuesi i parë i Shqipërisë që do të marrë leksionet e nevojshme referuar sistemit VAR, por me afrimin e datës së aplikimit në vendin tonë, lind nevoja e seminareve edhe në vendin tonë, qoftë me pjesën tjetër të gjyqtarëve apo edhe me ekipet, stafet e tyre dhe futbollistët.
