Juventusi të shtunën do të luajë në transfertë kundër Spalit, ku në rast fitore barezinjtë do të siguronin matematikisht titullin e tetë radhazi në Serie A.
Një ditë para ndeshjes Massimiliano Allegri ka kërkuar që futbollistët e tij të mos mendojnë për këtë përballje, por të përqendrohen te sfida e të martës kundër Ajaxit që do të jetë vendimtare për fatet e kualifikimit në Champions League.
“Ndaj Spalit nuk do të jetë e lehtë, pasi është një skuadër që ka fituar të dy ndeshjet e fundit në fushën e saj, përfshi këtu edhe përballë Romës. Megjithatë do të preferoja që festa e titullit të vinte pas ndeshjes me Ajaxin, pasi tani të gjithë duhet të mendojmë për sfidën e të martës dhe ta mbyllim me sukses”, tha Allegri.