Në shtëpinë e Arsenal-it, që mbrëmjen e sotme pret Napoli-n për çerekfinalet e Europa League, ka shpërthyer përsëri një çështje Mesut Ozil.
Fantazisti gjerman vazhdon të ketë probleme serioze në kurriz, që nuk janë shkaktuar nga dëmtime në fushën e lojës, por nga një pasion i veçantë i lojtarit.
Ai për video-lojërat dhe për Fortnite. Ozil është gjobitur dhe nuk është aktivizuar në të kaluarën me ekipin, sepse kalonte orë të tëra gjatë ditës para kompjuterit, duke i krijuar vetes shumë probleme fizike.
Sipas shtypit anglez, gjermani është kthyer të luajë rreth pesë orë në ditë. Në Gjermani, e përditshmja “Bild” ka folur me një mjek specialist, i cili ka konfirmuar se kjo varësi mund të ketë ngadalësuar rikuperimin fizik të lojtarit dhe mund ta ketë përkeqësuar gjendjen e tij.
