Mauro Icardi është rikthyer në skuadër për ndeshjen që Inter do të luajë në Genoa, të mërkurën në orën 21:00. Këtë e konfirmoi trajneri Luciano Spalletti, teksa sqaroi se argjentinasi mund të luajë si titullar.
Ndërkohë reagim të ashpër ka pasur nga tifozët ultras zikaltër, ata të “Curva Nord” që i kërkuan klubit të zhdukin Icardin edhe nëse komprementohet sezoni aktual.
Heshtjen e ka thyer edhe vetë Icardi, që përmes Instagram-it, aty ku ai bën gjithmonë reagimet e tij, ka bërë të qartë se të mërkurën do të jetë në fushë me fanellën zikaltër.
Ka mjaftuar një foto bardhezi, me 26-vjeçarin që është duke veshur fanellën zikaltër.
