Lionel Messi shënoi golin e 47-të nga goditjet e lira në karrierën e tij në ndeshjen e së martës ndaj Villarealit dhe kjo ka bërë që tifozët e futbollit të votojnë në favor të tij për lojtarin më të mirë për goditjet e lira.
“SportBible” zhvilloi një anketë në Twitter dhe nga 48 mijë tifozët që morën pjesë, 42 për qind votuan për Lionel Messin, i cili i mposhti David Beckhamin, Juninhon dhe Ronaldinhon për t’u shpallur lojtari më i mirë për goditjet e lira.
Beckhami, i famshëm për golat e bukur për Manchester Unitedin e ekipin kombëtar të Anglisë në karrierën e tij, mori 26 për qind të votave, duke e lënë pas Juninhon me 23 për qind. Ronaldinho mbeti i katërti, me 9 për qind.
Këtë sezon, Messi i ka lënë shumë prapa vetes futbollistët e tjerë sa i përket statistikat për golat e shënuara nga gjuajtjet e lira.
Deri tani ai ka realizuar 12 gola nga goditjet standarde.
