Referuar raportimeve të medias sportive spanjolle “Don Balon”, drejtuesit e Juventus po mendojnë të përforcojnë radhët e mbrojtjes bardhezi me futbollistin e Barcelonës, Samuel Umtiti.
Mbrojtësi kampion bote në fuqi me Francën ka humbur vendin e tij prej titullari në formacionin blagurana për shkak të disa dëmtimeve, sikurse dhe për shkak të performancës pozitive të Lenglet.
Pikërisht për këtë motiv, në përfundim të këtij sezoni futbollisti francez mund të largohet nga skuadra katalanase.
Duke përfituar nga kjo situatë, drejtuesit e “Zonjës së Vjetër” kanë nisur gjurmimin e kampionit të botës dhe është pikërisht Juventus klubi që shihet favorit mbi PSG e Manchester United për sigurimin e shërbimeve të Umtiti.
