Jadon Sanço me 12 gola dhe 18 asist në 39 ndeshje, është një nga lojtarët më në formë jo vetëm në Bundeligë, por dhe në Europë.
Anglezi i Dortmundit, pëlqehet nga shumë klube dhe tashmë në listë shtohet dhe Reali i Madridit. Siç raporton “Bild”, Zidan e ka futur Sançon, në listën e lojtarëve që do të tentohen në verë.
Reali sezonin që vjen do të jetë padyshim skuadra, e cila do të marrë gjithë vëmendjen e opinionit sportiv, pasi do të tentojë të firmosë me emra të rëndësishëm të futbollit evropian
Mbetet të shihet tashmë se çfarë do të ndodhi me Sançon, që pëlqehet nga shumë klube europiane.
