Tragjedia e vdekjes së futbollistit Emiliano Sala po ndjek nga pas edhe njerëzit e tij më të dashur.
Tre muaj pas aksidentit fatal, raportohet se shoku i ngushtë i fëmijërisë, Sebastian Rabellino ka ndërruar jetë si pasojë e një aksidenti automobilistik, shkruan tabloidi britanik “The SUN”.
Ngjarja ka ndodhur disa ditë para se të vdiste babai i Emiliano Sala-s, ndërsa sipas policisë lokale 24-vjeçari u aksidentua në qytetin e vogël të Progresso, aty ku u lind edhe ish-sulmuesi i njohur.
Kjo nuk është vdekja e vetme që ka bërë bujë të madhe pasi ditën e djeshme ishte babai i futbollistit, Horacio, i cili ndërroi jetë në moshën 58-vjeçare si pasojë e një ataku kardiak.
21 janari ishte tragjedia e madhe për Emiliano Sala, i cili gjeti vdekjen gjatë një fluturimi me avion nga Franca për në Uells.
