Porto e ka rrezikuar shumë titullin kampion në Portugali.
Tri javë para fundit të kampionatit, Porto i ka dhënë mundësinë e artë Benficës që ta parakalojë në renditje.
Skuadra e njohur portugeze ka befasuar të gjithë mbrëmjen e djeshme pasi nuk mori më shumë se një barazim 2-2 në përballjen ndaj Rio Ave.
Porto po fitonte 0-2 në pjesën e parë, por në pesë minutat e fundit të ndeshjes u dorëzua duke pësuar dy gola të shpejtë.
Në minutën e 85, Rio Ave shënoi për 1-2, ndërsa në minutën e fundit barazoi 2-2 që vulosi edhe rezultatin përfundimtar të takimit.
Ditën e diel Benfica luan kundër Bragas dhe në rast fitore do të merrte kryesimin duke lënë pas Porton me 2 pikë më pak.
