Kukësi është ekipi i fundit që pret një biletë për në gjysmëfinalet e Kupës së Shqipërisë. Teksa ndeshja e parë në Durrës kishte përfunduar në shifrat 2-2, në Elbasan, ekipet u dukën të kujdesshme.
Pjesa e parë ishte e vakët, pa raste, por me Teutën që kërkonte të ngacmonte portën e Frashërit me Bushiç. Në të dytën, golin e gjetën verilindorët, të cilët shënuan me Rexhinaldon, i cili u shërbye në mënyrë mjaft të bukur nga Kordeiroi.
Deri në fund, Teuta nuk mund të rrezikonte seriozisht portën e Frashërit, dhe për kualifikimin u duheshin 2 gola. Pati nerva edhe në sekondat e fundit, ku pas një sherri në fushë, u ndëshkuan mbrojtësi Frashëri i Teutës, dhe Kordeiro tek Kukësi. Në fund, 1-0 për Kukësin, që i bashkohet Tiranës, Skënderbeut dhe Luftëtarit në fazën gjysmëfinale.