Që nga janari Barcelona tentoi të firmosë një parakontratë me Adrien Rabiot, i cili në fund të këtij sezoni do të jetë lojtar i lirë, sepse ka vendosur të mos rinovojë me PSG-në.
PSG akuzoi publikisht klubin katalanas se po negocionin në mënyrë të padrejtë me lojtarin e tyre dhe vetë Barça u përgjigj me një deklaratë zyrtare se nuk ka vendosur asnjë kontakt me francezin. Gjithsesi më vonë u zbulua se klubi dhe lojtari nuk gjetën akord për shkak të kërkesës financiare të kërkuar nga Rabiot.
Sot, “El Chiriguito”, media eksperte për merkato në Spanjë ka zbuluar se Rabiot do të shkojë tek Real Madrid, pasi ai do jetë pasuesi i Luka Modric në të ardhmen. Ky afrim është bërë me miratimin e Zidane, sipas medies spanjolle, duke qenë se trajneri ka lidhje me të gjithë lojtarët francezë.
