Jose Mourinho është kthyer të flasë për kohën e kaluar në drejtim të Interit.
“Shkova në Itali në 2008-ën dhe gjeta një kampionat ku i jepej përparësi aspektit mbrojtës. Skuadrat kishin skema super mbrojtëse, por ishin shumë të organizuara. Donim të shpalleshim kampionë, por patëm shumë vështirësi”, ka thënë portugezi.
“Ndeshja e parë ka qenë kundër Sampdoria-s, ndërsa të dytën e luajtëm kundër Catania-s. Fituam me një autogol në minutën e 81-të. Të gjithë ishin të lumtur, përveç meje”.
“I thashë Moratti-t, presidenti i Inter-it në atë kohë: ‘Po, tri pikë…’. Ai më tha: ‘Mister, ne fituam! Tri pikë fantastike’. Unë mendova: ‘E shkëlqyer! Jam në shtëpi'”.
Mourinho ka shkruar historinë me zikaltrit, duke fituar tripletën dhe duke i dhuruar klubit milanez Champions League-ën e tretë dhe të parën pas 45 vitesh.