Gossip

ZBULON MESAZHET ME FUTBOLLISTËT/ Moderatorja sportive, Lei Kraja: Ju tregoj 50 hijet e mia…

Ajo është prezantuesja e lajmeve nga sporti me të folurën e veçantë, që mori famë të menjëhershme në Shqipëri pas kthimit nga Shtetet e Bashkuara të Amerikës. Për jetën mes stadiumeve dhe futbollistëve dhe anët e panjohura të karakterit, që fshihen pas portretit të bukur, Lei Kraja.

lei kraja2

 

Në pak kohë arrite të shndërrohesh në një prej prezantueseve më të njohura në botën e sportit. Mendon se pamja jote bën aq zhurmë sa të kalosh edhe koleget e tua, që mund të kenë vite në televizion?

Pamja në jetë nuk mjafton për asgjë. Nuk vlen në dashuri, në punë, në shoqëri, etj.. Është avantazh, pa diskutim. Po jo për të kaluar qoftë kolegët ose çdo profesionist tjetër në këtë treg, që ka sakrifikuar dhe punuar vite për të qenë aty ku është. Unë jam këtu falë familjes sime “Digitalb”, publikut, mençurisë dhe diturisë në këtë fushë, personalitetit dhe që kam një të folur më të veçantë.

Disa kolege të tua folën publikisht për mesazhet që marrin nga futbollistët. Po ty ndodh që të të shkruajnë apo të ftojnë për një gotë?

Unë nuk shpërndaj sms-të që më shkruajnë qoftë futbollistët, personazhet, ose persona të tjerë, pasi nuk ndaj me publikun jetën time private. Ngjallja e kureshtjes të bën atraktive. Por dhe nëse ka ndodhur, është mëse normale. Në një farë mënyre, i kemi kolegë. Nëse nuk do të na kishte pëlqyer bota e futbollit, duke përfshirë lojtarët, nuk do ishim pjesë e kësaj fushe kaq të bukur. Dhe nëse kanë shkruajtur nuk është krim. Por për çfarë është kjo gotë dhe sa larg e çon, e ke në dorë vetë.

lei kraja1

Të duket e vështirë kjo punë që bën, duke qenë se në futboll ka edhe shumë dhunë?

E vështirë ka qenë, pasi unë nuk kam ditur gjuhën shqipe, gjuhën e sportit dhe gjuhën televizive. Por jo për faktin që ka shumë dhunë. Në fakt, futbolli nuk ka aq dhunë në krahasim me fushat e tjera.

Futbollistët janë të mirëpaguar dhe disa prej tyre jetojnë në luks. Është jeta e tyre aq e bukur sa duket?

Nëse jetojnë në luks vërtet e meritojnë. Jeta e tyre është e bukur, por nuk ka qenë e lehtë për të arritur aty ku janë. Disa janë rritur me probleme ekonomike dhe kanë bërë sakrifica për të qenë aty ku janë. Sidoqoftë ka shumë punë, duhet shumë vullnet dhe shumë sakrifica, kështu futbollistët nuk e kanë aspak të thjeshtë.

lei kraja4

Po nga ata që mund t’i quajmë si veteranët e futbollit; Lorik Cana, Redi Jupi etj, kush mendon se janë ende të preferuarit e vajzave, edhe tani që nuk janë në fushë?

Janë këta që përmendët ju, që janë absolutisht ende të admiruar nga gocat, duke përfshirë edhe mua. Unë jam gjithashtu shumë fans e Altin Lalës. Janë emra që do të ngelen në histori.

Përveç televizionit, bën shumë foto provokuese, ku shpesh luan me transparencën. Cilat janë disa nga 50 hijet e Leit?

Uf! Nuk kam 50, po shumë (qesh). Jam e mirë, e çiltër, funny, e kujdesshme dhe shumë besnike. Por sigurisht që kam anën time negative. Më ngel hatri shumë shpejt, me ngelet mendja, jam lunatike, prekem, jam shumë kokëfortë, nuk mund bëj show fare. Nëse më bezdis diçka, më lexohet në fytyrë. Nëse nuk më pëlqen, të injoroj 100 për qind. Dhe atë gjë që e dua, e marr. Dhe lista vazhdon. Hahaha…, por jam shumë e sinqertë dhe realisht nuk di të jetoj me gënjeshtra.

lei kraja3

Të kemi parë në një miqësi shumë speciale me balerinën, Adela Lamin. Çfarë emri do i vendosje shoqërisë suaj prej vajzash, ku shpesh nuk mungojnë dedikimet?

E shtrenjtë dhe e bekuar. Pasi mbështesim njëra-tjetrën dhe nuk kemi xhelozi për suksesin e çdonjërës prej nesh. Adela gjithmonë ka dashur më të mirën për mua dhe unë për atë.

Të lësh Amerikën për Shqipërinë, dikush mund ta konsideronte marrëzi. Ti pse e bëre?

Nuk e kam lënë. Nuk e kam djegur pasaportën, as nuk e kam hequr si mundësi. Besoj që shqiptarët e kanë fiksim, pasi ka qenë një gjë e mohuar, plus nuk kam mundësi që të shkojnë sa herë të duan. Ta them unë, momentin që do të jetë e prekshme, nuk do ta duan. Plus, ku ka si vendi yt?! Probleme ka në çdo vend të botës, po këtu i pranojmë, pasi kjo është toka jonë.

lei kraja

Ndodh që të të nxihet jeta nga puna në televizion, apo gjithçka është e bukur?

Mua nuk më është nxirë jeta akoma (qesh). Kam pasur një eksperiencë të mrekullueshme te “Klan” dhe vazhdoj të shijoj çdo ditë në maksimum që punoj te “Digitalb”. Televizioni është i lodhshëm, por ekstazë njëkohësisht.

Tani që je person publik, ke marrë ndonjë ofertë të parezistueshme?

Në një vit që kam qenë në këtë treg, kam pasur shumë oferta që i kam pranuar. Kështu, nëse do të kem më shumë se kaq, vërtet do isha mirënjohëse dhe shumë e lumtur. Por njeriu nuk ngopet kurrë! Dhe kjo është e rrezikshme. Kështu, për momentin, po jap maksimumin dhe po shijoj këtë që po bëj! Falënderoj Zotin për çdo gjë që kam.

lei kraja5

Related posts

Pilar frymëzon kapitenin e Spanjës para ndeshjes me… (FOTO)

Sadik.Autor

CURLE E DAULLE NË DASMË/ Fantazisti gjerman i jep fund beqarisë (FOTO+VIDEO)

Delo.autor

PASKA QENË ROMANTIK PANUCCI/ Trajneri zbulon si u njoh me partneren: I mora të fejuarën SHOKUT të…

Isa.Autor

Leave a Comment