Reali ka mundur Atletiko Bilbaon, me rezultatin 3-0, në një sfidë, ku “mbreti” ishte Benzema, i cili shënoi tre herë.
Pas sfidës një nga më pak të dalluarit e sezonit, Marselo ka folur përpara mikrofonit të “Bein Sports” dhe ka vënë pikat mbi “i”, për të ardhmen e tij.
Gazetarët gjatë gjithë këtij sezoni kanë sfumuar një largim të brazilianit nga Reali, por ai vet i ka shuar të gjithë zërat.
“Të gjithë e dinë shumë mirë me sa gëzim stërvitem dhe luaj për këtë fanellë. Mendoj se fjalët e mediave janë të tepërta. Nuk është nevoja që të flitet nëse do të qëndrojë këtu ose jo. Reali është shtëpia ime dhe të gjithë e dinë se cila është e vërteta”, ka thënë Marselo.
