Massimiliano Allegri në fund të sezonit do të largohet nga Juventusi.
Pas pesë vitesh qëndrim, 51-vjeçari italian ka konfirmuar se do të largohet nga Torino si pasojë e dështimit në Champions League.
Por menjëherë në mediat italiane është përfolur edhe për klubin e ri të Allegrit që i është vendosur mbi tavolinë një kontratë 3-vjeçare.
Bëhet fjalë për klubin e Paris Saint Germainit të cilët janë gati t’i japin teknikut italian 15 milionë euro në sezon.
“Corriere dello Sport” ka zbuluar listën me kandidatët e mundshëm për të zëvendësuar Allegrin tek Juventusi.
Antonio Conte, Deschamps, Pochettino dhe ëndrra Guardiola janë 4 emrat më të përfolur për t’i besuar projektin e ri ku do të synohet triumfi në Champions League.
