Festa është e madhe në shtëpinë e Partizanit, pas fitimit të titullit kampion. Ditën e nesërme, “demat” luajnë në transfertë ndaj Teutës, dhe tifogrupi “Ultras Guerrils”, i bën thirrje të gjithë tifozëve të kuq të bashkohen në këtë transfertë.
Për të festuar titullin kampion, ata kanë menduar që të organizohen në një autokolonë plot me makina dhe autobusë të mbushur me tifozë, si në kohët e vjetra të traditës së autokolonës së kuqe.
POSTIMI I ULTRAS GUERRILS
Neser te gjithe drejt Durresit ne autokolone, festa sa vjen e shtohen dhe organizimet sa vijne e behen me te bukura, mbase gjithcka duket me e bukur kur pas emrit Partizani vihet edhe titulli kampion.
Matematika e mbylli kampionatin dhe percaktoi kampionin, por ne fakt edhe kete vit asgje nuk ndryshon, ne duhet te jemi aty deri ne momentin e fundit, kesaj radhe ta shijojme te festojme dhe te presim momentin e ngritjes se kupes ne qiell.
Ju ftojme te gjitheve te bashkoheni ne transferten me te veçante te sezonit, duke ju rikthyer edhe nje here si ne kohet e vjetra tradites se autokolones se kuqe !
Te gjithe me makina fillojme grumbullohemi qe ne oren 12:00 tek pallati i sportit dhe nisemi ne oren 14:30 !
Jena kampion !
Autokolona e kampioneve !
