Edi Reja, trajneri i ri i Kombëtares, ka nisur të mendojë, që tani për ndeshjet e rradhës me Islandën dhe Moldavinë.
Italiani do të shfrytrëzojë të gjithë kohën dhe të nisë punë duke bërë gati planin për sfidën e parë më Islandën.
Burime nga FSHF bëjnë me dije për gazetën se ai do të grumbullojë skuadrën kuqezi, që në javën e ardhshme duke nisur nga data 20 maj, pa pritur datat zyrtare. Vet tekniku i ri i përfaqësuese do të mbërrijë në Shqipëri në datën 17 maj.
Do të jenë të parët 9 futbollistë ata të cilët kanë përfunduar impenjimet e tyre në kampionat dhe do të vihen nën urdhrat e Rejës.
Në sy bie emri i Marash Kumbulllës, mbrojtësit të Veronës, që do të jetë mes këtyre lojtarëve. Në grumbullim do të rikthehet dhe Mërgim Mavraj, i cili nuk luan dot ndeshjen e parë, por për të dytën me Moldavinë do të vendosë trajneri.
Ky grumbullim do të vazhdojë deri në datën 2 qershor në Durrës dhe më pas do të zhvendoset në Frankfurt të Gjermanisë, ku do punohet 4 ditë për ndeshjen me Islandën.
