Juventusi e përfundoi sezonin duke e fituar titullin e tetë radhazi të Serie A.
Pas këtij suksesi, “Zonja e Vjetër” ka njoftuar se trajneri Massimilano Allegri nuk do t’i drejtojë më nga sezoni i ardhshëm.
Kapiteni i skuadrës, Giorgio Chiellini, ka ironizuar duke thënë se ai do të bëhet trajner i Juventusit.”Trajneri i ri i Juventusit do të jetë Marcello Lippi (qesh)… Ky titull është ndryshe, si kapiten, e ndava me Barzaglin. Allegri? Pas 15 vitesh te Juventusi, do të gënjeja po të thoja se nuk e kuptova se do të largohej. Shumë heshtje më la të kuptoj se kishte mbaruar… Kam eksperiencë brenda ambientit.
U përshëndet ashtu si duhej…Ndoshta, kthehet në të ardhmen. Barzagli? Sa vite kemi kaluar bashkë. Do të bëjë kursin si trajner në korrik dhe gusht. Në shtator do të marrë Juventusin”, deklaroi Chiellini duke qeshur.
