Nuk do të harrohet lehtë mënyra sesi u eliminua nga Champions League skuadra e Barcelonës.
Zhgënjimi ka kapluar tifozët, lojtarët dhe drejtuesit me këto të fundit që kanë detyrimin të ndërmarrin vendime për të ndryshuar këtë situatë nga sezoni i ardhshëm.
Më së shumti dështimi në Europë i faturohet trajnerit Valverde, i cili edhe pse ka dominuar në Spanjë, nuk ka arritur të bëjë të njëjtën gjë dhe në Europë.
Pritet që në fundin e sezonit Barcelona t’i thotë lamtumirë trajnerit Valverde.
Një tjetër emër i cili nuk po bind te katalanasit është sulmuesi brazilian, Countionho.
Zërat për një largim të tij kanë nisur kohë më parë, por tashmë duket se drejtuesit e Barcelonës janë mbushur dhe kanë vendosur ta largojnë, madje edhe duke dalë me humbje.
Kësisoj, trajneri Valverde dhe braziliani mund të jenë dy largimet e para nga Barcelona.
