Gareth Bale do të largohet përfundimisht nga Real Madridi gjatë kësaj vere.
Ylli uellsian nuk bën pjesë në planet e trajnerit Zinedine Zidane për sezonin e ardhshëm.
Prandaj, “Los Blancos” po shikojnë ta sistemojnë diku futbollistin e krahut të djathtë.
Dhe, tabloidi britanik “Mirror” shkruan se Bale mund të rikthehet në Angli, te Tottenhami.
Finalisti i Champions League mund ta huazojë Balen për një shifër prej 11.5 milionë eurosh.
Klubi madrilen është i gatshëm ta lirojë lojtarin, ndërsa huazimi duket opsioni më i mirë për të gjitha palët, pasi Spurs nuk duan të shpenzojnë shumë para për të.
Ndërkohë, Bale duhet të bëjë sakrificë të madhe, pasi duhet të pranojë një rrogë shumë më të vogël në Londër.
