Më 1 qershor do të luhet finalja e madhe e Champions Leagues.
Liverpool dhe Tottenham do të përballen në ndeshjen më të rëndësishme të sezonit, ndërsa finalja do të zhvillohet në Madrid, në stadiumin e Atleticos, “Wanda Metropolitano”.
Së fundmi mediat britanike kanë zbuluar çmimet e biletave për finalen e Madridit. Të dy skuadrat do të kenë në dispozicion nga 16.000 bileta për tifozët ndërsa pjesa tjetër do të shitet në Spanjë.
Këto janë çmimet e biletave:
Kategoria 1: 513 sterlina (596 euro)
Kategoria 2: 385 sterlina (447 euro)
Kategoria 3: 154 sterlina (178 euro)
Kategoria 4: 60 sterlina (69 euro)
“Wanda Metropolitano” është një stadium i ri pasi në vitin 2017 u pre shiriti i inaugurimit dhe ka një kapacitet prej 67.829 vendesh.
