Ekipi i mirënjohur i Serisë A, Sampdoria, mund të ndryshojë fytyrë së shpejti. Nuk bëhet fjalë për ndonjë ndërrim steme ose trajneri, por për presidencën e klubit.
Agjencia italiane e lajmeve, “ANSA” ka bërë të ditur se presidenti i Sampdorias, Massimo Ferrero po mendon seriozisht që ta shesë klubin.
Fondi anglez Aquilor i ka bërë një ofertë presidentit. 120 milionë euro është shifra e paraqitur për të blerë klubin.
Aquilor i ka premtuar Ferreros që do të qëndrojë në krye të klubit edhe për disa muaj përfshirë merkaton e verës.
Sipas burimeve paratë e Aquilor vijnë nga investitorë arabë, të cilët duan të përhapin influencën e tyrë edhe në Itali. Mos harrojmë se disa nga klubet më të mëdha në Europë si PSG dhe Manchester City drejtohen nga arabët.
