Xhixhi Donaruma duket se është rikthyer sërish në modën e merkatos. Portieri i Milanit, ishte harruar verën e kaluar, por këtë merkato do të jetë sërish në qendër të vëmendjes.
Sipas asaj që raporton “La Republica”, Donaruma mund të jetë një ndër të sakrifikuarit e Milanit, gjatë merkatos verore. Kuqezinjtë nëse nuk do të marrin pjesë në Ligëne Kampionëve, sezonin e ardhshëm do të kenë shumë probleme financiare, të cilat do ta detyrojnë klubin të heqë dorë nga disa lojtarë, që konsiderohen të pashitshëm.
Një ndër ta është dhe gardiani i portës së Milanit. Për të janë të interesuar PSG-ja dhe Mançester Junajtid, të cilët janë duke e ndjekur rastin me vëmendje.
Ajo qe vlen për t’u përmenduar është fakti se çdo gjë mund të bëhet pas 9 gushtit, atëherë kur skadon dënimi 3 mujor i agjentit të tij, Raiolës.
PSG-ja dhe Junajtid janë gati të fusin dorën në xhep, për të rrëmbyer një portier, që do të garantojë portën e tyre për shumë vite me rradhë.
