Pavarësisht zërave të shumta në merkato, PSG ka preferuar t’i besojë stolin trajnerit aktual Thomas Tuchel. Nëpërmjet një njoftimi në faqen zyrtare në “Twitter”, klubi francez, njofton zgjatjen e kontratës me teknikun gjerman, i cili ka firmosur deri në 30 qershor të vitit 2021.
Kësisoj palët kanë rënë dakord ta zgjasin edhe me një vit tjetër kontratën, që përfundonte në verë të 2020. Emri i ish-trajnerit të Juventusit, Masimiliano Alegri, ishte më i përfoluri në media për të marrë drejtimin e PSG-së, por drejtuesit e klubit francez vendosën t’i mbyllnin “derën” italianit, duke i besuar Tuhelit.
Kryeqytetasit kanë lënë pas dështimin e këtij sezoni në Champions dhe kupat e Francës, teksa do të vijojnë përgatitjet për sezonin e ri.