Gardiani Etrit Berisha mund t’i jap fund aventurës me Atalantën në fund të sezonit. Shqiptari ka humbur vendin e titullarit te skuadra zikaltër, teksa porta i është besuar të riut Golini.
Së fundmi mediat italiane raportojnë se 30-vjeçari synon të transferohet te një skuadër ku mund të aktivizohet si titullar. Destinacioni i radhës për Berishën mund të jetë Anglia. Mësohet se disa skuadra kanë shfaqur interes për të, teksa palët pritet të nisin negociatat në fund të sezonit.
Një tjetër opsion i mirë mbetet edhe transferimi te ndonjë skuadër tjetër e Serisë A, gjithsesi pritet me mjaft interes të mësohet e ardhmja e portierit të Kombëtares.