Një situatë aspak normale është regjistruar në futbollin portugez. Protagonist ka qënë trajneri i kampionëve në fuqi të vendit, Portos, Sergio Conceicao dhe shkak është bërë i biri. Ky i fundit luan me të rinjtë e Benfikas, rivalin kryesor të Portos, skuadra që drejton Conceicao.
44 vjeçari ndodhej në tribuna, kur i biri realizoi në fitoren 2-1 që Benfika mori ndaj Portos. Në atë moment, Conceicao nisi të festonte për tu përplasur më pas me tifozët e Portos. Ata shpërthyen në sharje ndaj tij dhe për të ndalur konfliktimin fizik u kërkua ndërhyrja e forcave të rendit.
Kjo ngjarje pritet të sjell pasoja për 44 vjeçarin, i cili mund të humbas vendin në krye të skuadrës së Portos. Kërkesat dhe revolta e tifozëve mund të detyrojë drejtuesit që të shkarkojnë ish-trajnerin e Nantes nga detyra e tij.
Kujtojmë që Porto është në garë për titullin kampion në Premier League portugeze, ku një javë përpara fundit mban vendin e dytë me 2 pikë më pak se Benfika.
