Tirana ka mposhtur Skënderbeun me rezultatin 1-0 në sfidën e vlefshme për javën e 32-të të Kategorisë Superiore. Një fitore dramatike për bardheblutë e Ardian Memës që iu falën golit të Edon Hasanit në minutën e parë të shtesës.
Edhe pse me një lojtar më pak për afro 25 minuta, pas dëmtimit të Oduamadit, bardheblutë arritën të gjenin golin e avantazhit, duke thelluar diferencën nga Kastrioti i vendit të parafundit në 5 pikë.
