“Topi i Artë” i këtij viti do të jetë një debat që do të shkaktojë shumë polemika. Një mendim për këtë e ka edhe Serxho Aguero, që në deklaratën e bërë për mediat angleze, me një fjali të shkurtër ka shprehur shumë. Ai ka përjashtuar nga gara bashkëkombësin e tij, Lionel Mesi.
“Topin e Artë” e meriton një nga finalistët e Ligës së Kampionëve”, është shprehur sulmuesi i Mançester sitit. Eliminimi nga Championsi duket se do t’i kushtojë shumë Mesit, edhe pse udhëheq listën e golashënuesve në Europë. Gjithashtu një shans të vogël e ka edhe rivali i tij Ronaldo, për shkak se është ende në lojë për Ligën e Kombeve.
