Tashmë nuk është një mister se Juventusi është në faza të avancuara të tratativave me mbrojtësin e Xhenoas, Kristian Romero.
Në një dalje për mediat italiane, presidenti i Xhenoas, Enriko Preciozi konfirmon se lojtari në verë do t’i bashkohet Juventusit. Romero është argjentinas dhe luan në rolin e qëndërmbrojtësit, pika ku Juventusi do të përqëndorhet në merkato.
Preciozi nuk e ka zyrtarizuar lajmin, por bën me dije së në verë do të hidhen firmat dhe do të jetë një ndër blerjet e para të bardhezinjve në merkato.
Romero 21-vjeçar, ka dalë nga akademia e Belgranos në Argjentinë dhe është transferuar në Itali. Këtë edicion ai ka luajtur 24 ndeshje dhe ka shënuar 1 gol, madje ka dhuruar dhe një asist.
