Fati i keq duket se e ka ndjekur Barcelonën pas humbjes së turpshme me Liverpoolin në mbrëmjen e së martës.
Tashmë katalanasit kanë humbur sulmuesin e tyre, Luis Suarez. Lajmi e ka bërë zyrtar vet klubi katalanas me anë të një njoftimi.
Uruguaiani iu nënshtrua një ndërhyrje kirurgjikale ditën e djeshme, në meniskun e gjurit të djathtë.
Kështu sulmuesi do të qëndrojë jashtë fushave të blerta për 4 deri në 6 javë.
Suarez do të humbasë sfidat e mbetura në kampionat dhe finalen e Kupës së Mbretit më 25 maj me Valencian.
