Një nga lojtarët që mund të themi se Juventusi është e “dashuruar”, është padyshim ylli i Realit, Isko.
Spanjolli këtë sezon ka gjetur shumë pak hapësira në formacionin bazë dhe duket se shkëlqimi i tij ka rënë te kampionët e Europës.
“Tuttosport”, ditën e sotmë, ka hapur një skenar të ri, sa i përket kësaj çështje. Reali është gati të nënshkruajë me Hazardin dhe do që të shesë Iskon. Klauzola e tij është 700 milionë euro, shifër monstruoze, që asnjë nuk ekip i afrohet.
Por, bëhet me dije se Reali është gati të bëjë “skonto” dhe Juventusi ta blejë spanjollin për vetëm 60 milionë euro.
Në këtë mënyrë “Zonja” nuk do të mendohej aspak dhe menjëherë do të kalonte në vepra duke sjellë një partner për “makinerinë” e golave, Kristiano Ronaldon.
