Geri Kehill, mbrojtësi i Çelsit, ditën e djeshme është vënë në qendër të vëmendjes, pasi i ka thënë lamtumirën skuadrës londineze në fund të sezonit.
Madje, anglezi ka thënë dhe disa të vërteta për Sarrin, të cilat janë komentuar jo pak nga mediat e vendit të tij.
Ai e postoi në “Instagram” lamtumirën e tij, i cili u shpërnda dhe mori mjaft komente. Një prej këtyre komenteve ishte dhe i Moratës, i cili mendoi se ish-shoku i tij i skuadrës, do të hiqte dorë nga futbolli.
Marko Alonso, e ka lajmëruar sulmuesin spanjoll, që Kehill nuk po e lë futbollin, por thjesht ikën nga Çelsi.
Ky koment ka shkaktuar jo pak të qeshura në rrjet dhe është shpërndarë nga mediat angleze.
