Flamurtari do të ketë mungesa dhe rikthime në këtë ndeshje. Portieri Enea Koliçi nuk do të jetë i gatshëm, pasi ka të dëmtuar gjurin dhe nuk ka mundur dot që të rehabilitohet.
Në portë që nga fillimi edhe në këtë ndeshje do ta nisë Pano Qirko. Ndërkohë, sot do të mungojë për ndeshjen me Laçin edhe mbrojtësi Franc Veliu, që ka plotësuar numrin e kartonëve, si dhe sulmuesi i dëmtuar prej dy javësh, Xhevahir Sukaj. Nga ana tjetër, rikthehet mbrojtësi i majtë, Blerim Kotobelli, i cili mungoi me Kastriotin për shkak të kartonëve. Sa i përket Laçit, mungesa e vetme në Vlorë është ajo e sulmuesit Okpotu, i cili ka plotësuar numrin katër të kartonëve të verdhë.
