Sjellja e Garet Bejl në pankinën e Real Madridit mori shumë vëmendje dhe bëri shumë bujë. Sulmuesi uellsian, u filmua nga kamerat teksa vendoste maskën tek sytë dhe bënte sikur po fline.
Ndërsa në një rast tjetër, pasi Zidan i bëri të gjitha zëvendësimet, Bejl bëri veprimin sikur po shikonte diçka me dylbi. Këto veprime të sulmuesit të Real Madridit kanë sjellë shumë reagime, ku më i fundit ishte ai i Dimitar Berbatov. Ish-sulmuesi bullgar i Mançester Junajtid e ka kritikuar sjelljen e Garet Bejl në pankinë. Në një prononcim për “Betfair” Berbatov u shpreh: “Kur e pashë nuk mund ta besoja. E shikova Bejlin teksa vendoste maskën tek sytë dhe bënte sikur flinte. Unë nuk e mbështes atë veprim. Është jo profesionale dhe fyese për Real Madridin”, përfundoi Dimitar Berbatov.
Gareth Bale searching for a new club like… 🔭 pic.twitter.com/zkmvnpxkeQ
— Goal (@goal) July 13, 2020