Pas 20 vitesh si profesionist dhe rreth 600 ndeshjesh të zhvilluara në kampionatin italian, ka ardhur momenti që edhe mbrojtësi i Torinos, Emiliano Moretti të “varë këpucët në gozhdë”.
Futbollisti që më 11 qershor do të mbushë 38 vjeç, doli sot në një konferencë për shtyp, i shoqëruar nga presidenti i Torinos Urbano Cairo dhe trajneri Walter Mazzarri, për të njoftuar vendimin për t’u tërhequr.
“Mendoj se ky është momenti i duhur për t’u tërhequr”, tha ndër të tjera mbrojtësi Moretti, i cili gjithsesi nuk do të largohet nga Torino, pasi i është ofruar një post drejtuesi.
Emiliano Moretti luan prej 6 sezonesh te Torino, ndërsa më herët ka veshur edhe fanellat e skuadrave si Fiorentina, Juventus, Modena, Bologna, Valencia dhe Genoa.
