Liga Italiane e Futbollit vendosi të dënojë për 3 muaj super agjentin e futbollit, Carmine (Mino) Raiola dhe dy muaj kushëririn e tij Vincenzo Raiola, ndërsa FIFA vendosi të ndërkombëtarizojë këtë dënim.
Nëpërmjet një njoftimi mbrëmjen e sotme, qeveria e futbollit botëror lajmëroi se pezullimi i dy agjentëve të ketë edhe efekt ndërkombëtar, pra të jenë të dënuar edhe ndërkombëtarisht, jo vetëm në Itali.
Ky është një lajm mjaft i keq për Raiolën, i cili është menaxher i shumë futbollistëve të njohur, mes të cilëve Zlatan Ibrahimoviç, Mario Balotelli, Paul Pogba, Lorenzo Insigne, etj.
Nëpërmjet këtyre dënimeve, Mino Raiola dhe kushëriri i tij humbin të drejtën për të negociuar marrëveshje, gjatë muajve më të nxehtë të merkatos së verës.
