Pas Pavar dhe Hernandez, drejtuesit e Bajernit të Mynihut kanë piketuar objektivin e radhës në merkato. Bëhet fjalë për Paulo Dibalën, për të cilin Juventusi nuk ulet në bisedime për më pak se 100 milionë euro. Shifra nuk përbën problem për klubin bavarez, që kërkon të rrëmbejë argjentinasin pas shtatë vitesh në kampionatin italian.
Përpara se të tentojnë mësymjen, do të pritet fundjava kur të vendoset titulli për të nisur më pas planet dhe strategjinë e merkatos. Megjithëse nuk është konfirmuar qëndrimi i tij, “TZ” bën të ditur se edhe trajneri Niko Kovaç ka dhënë pëlqimin e tij për sulmuesin e Juventusit.
Përveç cilësisë së padiskutueshme, Dibala do të ishte pjesë e planit për të rinovuar Bajernin, sidomos pas largimeve të Frenk Riberisë dhe Arjen Robenit të cilët do t’i thonë lamtumirë klubit bavarez në fund të sezonit aktual.
