Edhe mbrojtësi më i shtrenjtë në historinë e futbollit, Virgil van Dijk, është dorëzuar para Lionel Messit.
Holandezi ka thënë se Messi është i pandalshëm, pas humbjes 3-0 të Liverpoolit nga Barcelona në “Camp Nou”, në ndeshjen e parë gjysmëfinale të Ligës së Kampionëve.
“Ne nuk humbëm vetëm nga Barcelona, po humbëm nga futbollisti më i mirë i të gjitha kohërave”, ka deklaruar Van Dijk.
“Askush nuk mund ta ndalojë Messin, kështu që as unë. Nuk kam asgjë për të thënë për Messin. Edhe unë jam i lumtur që nuk jam duke luajtur në La Liga, sepse do të duhej të përballem me të çdo sezon”, ka përfunduar holandezi.