Real Madrid ka shënuar ndaj Villarreal pa u plotësuar dy minuta nga starti i ndeshjes.
Ka qenë Mariano Diaz që përfitoi më së miri dhe nuk e pati të vështirë të shënojë përballë portierit kundërshtar.
Zidane e ka nisur këtë ndeshje me lojtarë të rinj, teksa Brahim Diaz dhe Valleja janë titullar, ndërsa Benzema e Ramos në stol.
Villarreal i është kundërpërgjigjur golit të Mariano Diaz, duke shënuar golin e barazimit me anë të Moreno në minutën 11’.
Ka qenë një gabim i Casemiro që i dha mundësi “nëndetëses” të niset në sulm dhe Moreno lëshoi një të djathtë perfekte, të pakapshme nga Courtois.
