Divock Origi po fiton javë pas jave një rinovim kontrate me Liverpoolin, që disa javë më parë nuk e imagjinonte dot askush.
24-vjeçari belg nuk ka zhvilluar një sezon të mirë, por me ndikimin që pati në golin e tretë, atë të fitores në transfertën ndaj Newcastle, dhe mbi të gjitha me dy golat që realizoi në triumfin historik me shifrat 4-0 ndaj Barcelonës në gjysmëfinalen e kthimit në Champions, Origi është shndërruar në një lojtar të rëndësishëm.
Në mungesë të Salah dhe Firminos mori për dore skuadrën duke e udhëhequr drejt finales së Championsit.
Nëse para një muaji shihej si i larguar nga “The Reds”, tashmë drejtuesit e Liverpoolit kanë nisur bisedimet me sulmuesin 24-vjeçar për të rinovuar kontratën që i skadon në verën e vitit 2020.
