1. Ndeshjet, të cilat janë sanksionuar të luhen pa spektatorë, do të zhvillohen në përputhje me përcaktimet si më poshtë:
a) brenda rrethimit të stadiumit nuk duhet të hyjë dhe/ose të qëndrojë asnjë person që nuk është zyrtar i klubeve pjesëmarrëse, zyrtar i ndeshjes, përfaqësues i autorizuar i FSHF-së, punonjës i Policisë së Shtetit, ose punonjës përgjegjës për ruajtjen e sigurisë në stadium;
b) në tribunën VIP të stadiumit mund të qëndrojnë vetëm nga 10 (dhjetë) zyrtarë ose persona VIP, për secilin nga klubet pjesëmarrëse në ndeshjen përkatëse; c) portat e hyrjes për në tribunat e stadiumit duhet të jenë të mbyllura.
2. Klubi vendës që shkel përcaktimet në paragrafin (1), këtu më sipër në këtë nen do të sanksionohet me gjobë me një vlerë prej 500,000 (pesëqind mijë) lekësh dhe me zhvillim të ndeshjes pa spektatorë për të paktën 2 (dy) ndeshje.
