Salah vitin e shkuar nuk pati fatin të luante një finale të tërë të Champions. Liverpool e humbi atë, por ja ku janë përsëri.
Ata do të luajnë një tjetër finale me Totenhemin. Salah do të ketë mundësinë të jetë vendimtar dhe të bëjë të tijën kupën me veshë të gjatë.
Në një intervistë për mediat angleze, ai shprehet se këtë radhë kanë mundësinë të heqin ndjenjën e keqe të finales së vjetshme. Shprehet se Totenhemi do vëmendje të madhe.“Jam shumë i entuziazmuar. Vitin e shkuar ne nuk arritëm të fitonim dhe tani duam ta thyejmë fatin e keq dhe ta harrojmë atë që ndodhi vjet. Do të jetë një ndeshje shumë e vështirë. Ne kemi luajtur në kampionat me Totenhem dhe kemi qenë më mirë se ata, por kjo s’do të thotë gjë. Finalet janë të veçanta dhe ne duam të triumfojmë. Klopp? Nuk kemi folur për detaje, por ne e dimë vlerën e trajnerit tonë.”
