Ylli kosovar i Stade de Reims, Arbër Zeneli, e dëshmoi veten në ndeshjen kundër Caen, duke shënuar gol pasi u fut në fushën e lojës.
Anësori i ekipit kombëtar të Kosovës ishte lënë në stol për fillimin e kësaj ndeshjeje, mirëpo ai arriti të tregojë se pse e meriton një vend në formacionin e parë me paraqitjen e tij në 44 minuta lojë që i bëri.
Zeneli u fut në lojë në minutën e 56-të të ndeshjes, kur zëvendësoi Pablo Chavarrian.
Ai e ndryshoi lojën e Stade de Reims, që deri në atë moment po humbte me rezultatin 3-1.
Në minutën e 82-të të ndeshjes, Zeneli shënoi nga pika e penalltisë dhe e ktheu në lojë skuadrën e tij, mirëpo edhe tetë minutat e kohës së rregullt nuk i mjaftuan Stade de Reims për të barazuar (ndeshja u mbyll 3-2 për Caen).
Në 14 ndeshjet me klubin francez këtë sezon, Zeneli ka shënuar gjashtë gola dhe ka dhënë 6 asiste.
